ക്രിസ്തീയമതപ്രചാരകരെക്കുറിച്ച് വിവേകാനന്ദസ്വാമികള്‍

ഞാന്‍ ഏതെങ്കിലും മതത്തെ എതിര്‍ക്കുന്നു എന്നു പറയുന്നതു ശരിയല്ല. ഭാരതത്തിലുള്ള ക്രിസ്തീയമതപ്രചാരകരോട് എനിക്കു വിരോധമാണെന്നു പറയുന്നതും, അതുപോലെതന്നെ, തെറ്റാണ്. പക്ഷേ അവര്‍ അമേരിക്കയില്‍നിന്നു പണം പിരിക്കാന്‍ കൈക്കൊള്ളുന്ന ചില രീതികളെ ഞാന്‍ പ്രതിഷേധിക്കുന്നു. ഒരു ഹിന്ദുമാതാവ് സ്വന്തം കുഞ്ഞുങ്ങളെ ഗംഗയിലെ ചീങ്കണ്ണികള്‍ക്ക് എറിഞ്ഞുകൊടുക്കുന്ന ചിത്രങ്ങള്‍ (അമേരിക്കയിലെ) കുഞ്ഞുങ്ങള്‍ക്കുവേണ്ടിയുള്ള ചില സ്‌കൂള്‍ പുസ്തകങ്ങളില്‍ കൊടുത്തുകാണുന്നു. എന്താണ് ഇതിന്റെ അര്‍ത്ഥം? തള്ള കറുത്താണ്: എങ്കിലും കുഞ്ഞിനെ വെള്ളച്ചായത്തില്‍ വരച്ചിരിക്കുന്നു - കൂടുതല്‍ അനുകമ്പ ഉളവാക്കാനും പൈസ തട്ടിയെടുക്കാനും! ഒരുവന്‍ സ്വന്തം ഭാര്യയെ മരക്കാലില്‍ കെട്ടി സ്വന്തം കൈകൊണ്ടു തീ കൊളുത്തുന്നതും അങ്ങനെ അവളെ അയാളുടെ ശത്രുവിനെ ഉപദ്രവിക്കുന്ന ഒരു പ്രേതമാക്കിത്തീര്‍ക്കുന്നതുമായ പടങ്ങളുടെ അര്‍ത്ഥമെന്താണ്? മനുഷ്യരുടെമേല്‍ കയറി അവരെ ഞെരിച്ചു ചതയ്ക്കുന്ന വമ്പിച്ച തേരുകള്‍ ചിത്രീകരിക്കുന്നതിന്റെ അര്‍ത്ഥമെന്ത്? ഈ നാട്ടില്‍ (അമേരിക്കയില്‍) കഴിഞ്ഞ ഒരു ദിവസം കുട്ടികളെ ഉദ്ദേശിച്ച് ഒരു പുസ്തകം പ്രസിദ്ധീകരിച്ചു: അതില്‍ ഈ മാന്യരിലൊരുവന്‍ തന്റെ കല്‍ക്കത്താസന്ദര്‍ശനത്തെ വര്‍ണ്ണിച്ചിരിക്കയാണ്. കല്‍ക്കത്തയിലെ തെരുവുകളിലൊന്നില്‍ ഒരു തേര് മൂഢഭക്തന്മാരുടെമേല്‍ കയറി ഓടുന്നതു താന്‍ കണ്ടു എന്ന് അതില്‍ പറഞ്ഞിരിക്കുന്നു. ഇവരില്‍പ്പെട്ട ഒരു മാന്യന്‍ മെംഫിസില്‍വെച്ച് പ്രസംഗിക്കുന്നതു ഞാന്‍ കേട്ടു, ഭാരതത്തിലെ ഓരോ ഗ്രാമത്തിലുമുണ്ട് ശിശുക്കളുടെ അസ്ഥികള്‍ നിറഞ്ഞ ഓരോ കുളമെന്ന്.

ഒ. രാജഗോപാല്‍ - കറപുരളാത്ത കര്‍മ്മയോഗി (ചിത്രകഥ PDF)

ശ്രീ. ഒ. രാജഗോപാലിനെ കുറിച്ചുള്ള ഒരു ചിത്രകഥ, ലോകസഭ തെരഞ്ഞെടുപ്പ് സമയത്ത് ബിജെപി പ്രസിദ്ധീകരിച്ചത്.  PDF ഡൌണ്‍ലോഡ്ചെയ്ത് വായിക്കാം.

ദേവസ്വം ഭരണവും ഹിന്ദുമതവും PDF

ഏകദേശം 75ലേറെ വര്‍ഷങ്ങള്‍ക്കുമുമ്പ് ശ്രീ. ആറ്റിങ്ങല്‍ കെ. ഗോപാലന്‍ നായര്‍ പ്രസിദ്ധീകരിച്ച ഒരു ലഘുലേഖയാണിത്‌. അക്കാലത്തും അതിനുമുന്‍പുള്ള കാലങ്ങളിലും ദേവസ്വം ഭരണം നടന്നത് എങ്ങനെയെന്നും അതിലുള്ള ആക്ഷേപങ്ങളും അദ്ദേഹം ഇതില്‍ വ്യക്തമാക്കുന്നു. ശ്രീ പദ്മനാഭസ്വാമി ക്ഷേത്രത്തെ സംബന്ധിച്ചും ദേവസ്വം ഭരണത്തെ സംബന്ധിച്ചും ചര്‍ച്ചകള്‍ നടക്കുന്ന ഈ സമയത്ത് ഇതും കൂടി അറിഞ്ഞിരിക്കുക.

ദേവസ്വം ഭരണവും ഹിന്ദുമതവും PDF ഡൌണ്‍ലോഡ് ചെയ്യൂ.

ഗാന്ധിജിയും ക്രിസ്ത്യന്‍ മിഷനറിമാരും PDF

പ്രഭാഷണങ്ങളിലും, യങ്ങ് ഇന്ത്യയിലേയും ഹരിജനിലേയും ലേഖനങ്ങളിലും, സമ്പൂര്‍ണ്ണകൃതികളിലും സമാഹരിച്ചിട്ടുള്ള ഗാന്ധിജിയുടെ അഭിപ്രായങ്ങള്‍  ഈ പുസ്തകത്തില്‍ ക്രോഡീകരിച്ചിരിക്കുന്നു.മിഷനറി പ്രവര്‍ത്തനങ്ങളെ കുറിച്ചു മാത്രമുള്ള 'ക്രിസ്ത്യന്‍ മിഷന്‍സ്' എന്ന ഗാന്ധിജിയുടെ പുസ്തകത്തില്‍ നിന്നുള്ള ഉദ്ധരണികളും ഇതില്‍ ചേര്‍ത്തിട്ടുണ്ട്.

ഗാന്ധിജിയും ക്രിസ്ത്യന്‍ മിഷനറിമാരും PDF ഡൌണ്‍ലോഡ്

നിലയ്ക്കല്‍ സംഭവം PDF - വിശദവിവരങ്ങള്‍

പമ്പയിലെ നിലയ്ക്കല്‍ ശിവക്ഷേത്രത്തിനു സമീപത്തുള്ള വനഭൂമി സ്റ്റേറ്റ് ഫാമിംഗ് കോര്‍പറേഷന്‍ പാട്ടത്തിനെടുത്ത് പുല്ലുകൃഷി ചെയ്തു വരവേ, 1983 മാര്‍ച്ച് 24ന് പുല്ലുകൃഷി മതിയാക്കി റബ്ബര്‍ കൃഷി തുടങ്ങാനായി കുഴിയെടുത്തുകൊണ്ടിരിക്കുമ്പോള്‍ ഒരു കല്‍ക്കുരിശ് കണ്ടത്രേ. ക്രിസ്ത്യന്‍ പാതിരിമാര്‍ ഇവിടെ പള്ളി നിർമിക്കാനുള്ള അവകാശവാദം നടത്തിയപ്പോൾ ഹിന്ദു സംഘടനകൾ സംയുക്തമായി അതിനെതിരേ പ്രക്ഷോഭമാരംഭിച്ചു. ഇത് ആറു മാസം നീണ്ടു നിൽക്കുകയും പള്ളിയുടെ സ്ഥാനം മാറ്റുന്നതിൽ അവസാനിക്കുകയും ചെയ്തു. പള്ളി ആ സ്ഥലത്ത് സ്ഥാപിക്കാൻ പാടില്ല എന്നാവശ്യപ്പെട്ട് നടന്ന സമരത്തെയാണ് നിലയ്ക്കൽ പ്രക്ഷോഭം എന്ന് വിളിക്കുന്നത്.

ഈ സംഭവുമായി ബന്ധപ്പെട്ട് 1983 ഏപ്രില്‍ 14നു നിലയ്ക്കല്‍ഭക്തജനസംഘം സംഭവം വിശദീകരിച്ചുകൊണ്ട് പ്രസിദ്ധീകരിച്ച ഒരു ലഘുലേഖയാണ് ഇത്.  PDF ഡൌണ്‍ലോഡ് ചെയ്ത് വായിക്കൂ.
ഈ സമരത്തെക്കുറിച്ചും സൗഹാര്‍ദ്ദപരമായ അതിന്റെ പരിണതിയെക്കുറിച്ചും  അറിയാന്‍ ശ്രീ കുമ്മനം രാജശേഖരന്‍ എഴുതിയ നിലയ്ക്കല്‍ പ്രക്ഷോഭം എന്ന ഈ ലേഖനം വായിക്കൂ.

1950ലെ ശബരിമല തീവയ്പ്പ് അന്വേഷണ റിപ്പോര്‍ട്ട്‌

1950ല്‍ ശബരിമലക്ഷേത്രം തീവച്ചു നശിപ്പിക്കുകയും അയ്യപ്പവിഗ്രഹം തല്ലിയുടയ്ക്കുകയും ചെയ്ത സംഭവത്തെക്കുറിച്ച് അന്വേഷിക്കുവാന്‍ നിയുക്തനായ ഡി.ഐ.ജി. ശ്രീ. കെ. കേശവമേനോന്‍ വിശദമായി അന്വേഷണം നടത്തി സര്‍ക്കാരിന് സമര്‍പ്പിച്ച റിപ്പോര്‍ട്ട്‌. 1957 ഡിസംബര്‍ 13നു കേരള നിയമസഭയില്‍ റിപ്പോര്‍ട്ട്‌ വച്ചു. വലിയ ഒച്ചപ്പാടുണ്ടായി. പലരുടെയും നിര്‍ബന്ധത്തിനു വഴങ്ങി റിപ്പോര്‍ട്ട്‌ നീക്കം ചെയ്യേണ്ടിവന്നു. ആ റിപ്പോര്‍ട്ട്‌ എന്തെന്നറിയാന്‍ ഹിന്ദുക്കള്‍ ദാഹിച്ചു. എല്ലാവിധ വിലക്കുകളും ലംഘിച്ച് ദേശബന്ധു പത്രം 1957 ഡിസംബര്‍ 14നു പൂര്‍ണ്ണരൂപം പ്രസിദ്ധീകരിച്ചു.

54പേജുള്ള ഈ പുസ്തകം PDF രൂപത്തില്‍ ഡൌണ്‍ലോഡ് ചെയ്ത് വായിക്കാം

ലൈവ് - നരേന്ദ്രമോഡി തിരുവനന്തപുരത്ത്

ശ്രീ. നരേന്ദ്രമോഡി തിരുവനന്തപുരത്ത് റാലിയെ അഭിസംബോധന ചെയ്യുന്നത് 2014 ഫെബ്രുവരി 9 ഞായറാഴ്ച വൈകിട്ട് 7 മണിമുതല്‍ ലൈവ് ആയി കാണൂ.

Sri. Narendra Modi addresses BJP Mahasammelan in Thiruvananthapuram LIVE at 7pm